«Տեր-Ղազարյանների միկրո արվեստի» թանգարան

Աբովյան 8, Երևան

+ 374 12 505 515

10: 00-20: 00

«Տեր-Ղազարյանների միկրո արվեստի» թանգարանը Հայաստանում միկրո քանդակների առաջին թանգարանն է:

Այստեղ Տեր-Ղազարյաններ պապի և թոռան միկրո աշխատանքներն են՝ տեղադրված հատուկ պատրաստված պատվանդանների վրա՝ հատուկ լուսավորությամբ: Ցուցահանդեսում տեղ են գտել նաև Էդուարդ Տեր-Ղազարյան ավագի կողմից դեռ հեռավոր 70-ական թվականներին ստեղծած ծաղրանկարների մի մասը ՝, նրա կողմից հորինված և ստեղծած երաժշտական գործիքներ, և ֆիլմ, որը պատմում է նրա բազմակողմանի տեսակի մասին:

Թանգարանի ստեղծման գաղափարը ծնվել է դեռևս 2009 թ.-ին, երբ Տեր-Ղազարյան ավագը յուրօրինակ արվեստի գաղտնիքները փոխանցում էր իր ավագ թոռնիկին, որպեսզի նա պահպանի դրանք, զարգացնի և փոխանցի ապագա սերունդներին:

Երևանի Տեր-Ղազարյանների միկրոարվեստի թանգարանը գործում է 2018-ի նոյեմբերի 1-ից, երբ վերջապես հնարավոր եղավ հավաքել Վարպետի այն եզակի գործերը, որոնք աշխարհի տարբեր ծայրերում հիացրել են այցելուներին իրենց եզակիությամբ:

Ինչ ասել է միկրոքանդա՞կ։ Պատկերացրեք ասեղի անցքում Չարլի Չապլինին կամ մի ամբողջ կառք։ Չստացվե՞ց։ Ուրեմն անպայման այցելեք ու վայելեք այդ աշխատանքները։