Վարդանանց հրապարակը գտնվում է Գյումրու պատմական կենտրոնում և քաղաքի նշանակալից վայրերից մեկն է։ Խորհրդային շրջանում այն հայտնի էր որպես Մայիսյան ապստամբության հրապարակ։
Սակայն հրապարակի պատմությունը սկսվում է դեռ այն ժամանակից, երբ Գյումրին կոչվում էր Ալեքսանդրապոլ։
Քաղաքի կանոնավոր հատակագծման ձևավորման ընթացքում այստեղ ստեղծվեց Շուկայի հրապարակը, որը դարձավ ոչ միայն առևտրի, այլև քաղաքի հասարակական կյանքի առանցքային կենտրոն։ Հրապարակից սկսվող և դրան հարող փողոցներում աստիճանաբար հիմնվեցին խանութներ, արհեստանոցներ, վարչական ու կրթական հաստատություններ և եկեղեցիներ։
Հրապարակի շրջակայքի ամենանշանավոր կառույցներից են Սուրբ Ամենափրկիչ և Սուրբ Յոթ Վերք եկեղեցիները։
Հրապարակի տարածքում կտեսնեք նաև Վարդան Մամիկոնյանի և Վարդանանց պատերազմին նվիրված բազմաֆիգուր արձանախումբը, որը տեղադրվել է 2008 թվականին։ Հեղինակը քանդակագործ Արտուշ Պապոյանն է։ Արձանախմբի կենտրոնական կերպարը հեծյալ Վարդան Մամիկոնյանն է, իսկ մյուս քանդակները ներկայացնում են Ավարայրի պատմության հետ կապված հոգևոր և աշխարհիկ գործիչների։
Այսպիսով՝ հրապարակում կարող եք տեսնել
- Գյումրիի քաղաքապետարանը
- 19-րդ դարի Սուրբ Ամենափրկիչ եկեղեցին
- 19-րդ դարի Սուրբ Յոթ Վերք եկեղեցին
- 1926 թվականին կառուցված «Հոկտեմբեր» կինոթատրոնը
- 1927 թվականին կառուցված հյուրանոց
