Ամրակիցի Սուրբ Նիկողայոս Հրաշագործ եկեղեցին գտնվում է Լոռու մարզի Ամրակից գյուղում՝ Ստեփանավանից ոչ հեռու։ Գյուղը նախկինում կոչվել է Նիկոլաևկա։
Բազմաթիվ աղբյուրներում կառուցման տարեթիվը տարբեր է նշվում։ Սակայն ընդունված է համարել, որ եկեղեցին կառուցվել է 1840-ական թվականներին, մի քանի սլավոնական ընտանիքների կողմից։
Եկեղեցին փոքր խաչաձև կառույց է և հայկական եկեղեցական ճարտարապետությունից զգալիորեն տարբերվում է։ Նրա թևերը ծածկված են բարձր, սրածայր տանիքներով, իսկ կենտրոնական հատվածը պսակված է հինգ փոքր գմբեթներով։ Հարավային կողմում կառուցված է բաց կամարաշարով զանգակատուն։ Շենքը համարվում է նեոռուսական ճարտարապետության ուշագրավ օրինակ՝ փայտե տանիքներով, մետաղական ծածկով և ռուսական եկեղեցիներին բնորոշ ուրվագծով։
Սուրբ Նիկողայոս եկեղեցին զգալի վնասներ է կրել 1988 թվականի Սպիտակի երկրաշարժի հետևանքով։ Այն վերականգնվել է 2026 թվականին։ Եկեղեցին ամրակայվել է, նորոգվել են տանիքը և պատերը, ինչպես նաև բարեկարգվել է շրջակա տարածքը։
