Ի՞նչ ուտել Հայաստանում

Ի՞նչ ուտել Հայաստանում

Թարմացված է Հունիս 16, 2026

Ճանապարհորդությունը դեպի ցանկացած երկիր թերի կլինի, եթե Դուք չեք պատրաստվում փորձել տեղական խոհանոցը։ Հայաստանն ունի սննդի հարուստ պատմություն, որն ընդգրկում է ավելի քան 1500 տարի։ Այստեղ կան ճաշ պատրաստելու շատ ավանդական մեթոդներ, որոնք դեռևս ազդում են խոհանոցի վրա: Այն արտացոլում է հայերի պատմությունն ու աշխարհագրությունը։

Միսը խոհանոցի հիմնական մասն է։ Հայկական խոհանոցը հարուստ է բանջարեղենով, կանաչիներով և համեմունքներով։ Հայերը աճեցնում են նաև ցորեն, բրինձ, ոլոռ, լոբի, ընկույզ, պնդուկ և նուշ։ Ստորև Դուք կգտնեք հայկական սննդի համեղ և ախորժելի ցանկ, որ անպայման պետք է համտեսեք Հայաստան այցելելիս։

Խորոված

Այս ճաշատեսակը պատրաստվում է թարմ, համեմված մսից, որ խորովում են խարույկի վրա։ Խորովածը հայկական խոհանոցի հատուկ բաղադրիչներից է։ Դժվար է առանց դրա պատկերացնել որևէ դեպք կամ պարզապես մի փոքր առիթ: Այն կարելի է պատրաստել խոզի, տավարի, գառան մսից կամ նույնիսկ ձկից։

Ի՞նչ ուտել Հայաստանում

Սովորաբար բանջարեղենը, ինչպիսիք են սմբուկը, կարտոֆիլը, կանաչ պղպեղը նույնպես խորովում են մսի հետ։ Հրաշալի համադրություն է ստեղծվում նաև հավի մսով։ Դա շատ հեշտ է անել տանը, ռեստորանում և նույնիսկ փոքր սրճարաններում։ Ցանկանո՞ւմ եք փորձել խորոված պատրաստել տանը։

Դոլմա կամ տոլմա

Հայաստան այցելելիս՝ տոլման անպայման պետք է ներառեք Ձեր նախընտրելի ճաշատեսակների ցանկում։ Տոլման շատերի կողմից համարվում է «հայկական ուտեստ»։ Փորձելով այս անկրկնելի հայկական ուտեստը, որն արդեն տարածվում է երկրի սահմաններից դուրս՝ Դուք կհասկանաք պատճառը։

Ի՞նչ ուտել Հայաստանում

Տոլման պատրաստվում է խաղողի տերևի մեջ լցոնված աղացած մսով, խոտաբույսերով, բրնձով և համեմունքներով: Ըստ ավանդության՝ այն փաթաթում են խաղողի տերևի մեջ, բայց մարդիկ նաև օգտագործում են կաղամբ կամ միսը լցոնում են կանաչ պղպեղի, լոլիկի կամ սմբուկի մեջ:

Հարիսա

Հարիսան հայկական ուտեստ է, որն ավանդաբար գալիս է Արարատյան հարթավայրից։ Այն խիտ շիլա է, որը պատրաստվում է մաքրված ցորենից և ճարպային մսից (սովորաբար հավի կամ գառան): Հարիսայի պատրաստությունը երկար ժամանակ, էներգիա, համբերություն և սեր է պահանջում։ Բազմաթիվ հայեր մինչ օրս հարիսա են պատրաստում ամբողջ աշխարհում և նաև այն համարում են Հայաստանի ազգային ուտեստը։

Ի՞նչ ուտել Հայաստանում

Բացի այդ, մենք ունենք այս ուտեստին նվիրված հատուկ փառատոն։ 1983 թվականից հարիսայի փառատոնը նշվում է սեպտեմբերի երրորդ կիրակի օրը Էջմիածնից ոչ հեռու գտնվող Մուսալեռ գյուղում: Ամեն տարի տեղի բնակիչները նշում են այս օրը՝ նվիրված Մուսալեռան ճակատամարտի զինվորներին։

Հայկական սպաս

Սպասը յուղալի, թթու, խիտ ապուր է, որը մատուցվում է տաք ձմռանը և սառեցված՝ ամռան ամիսներին: Այս ապուրը, որ երբեմն անվանում են հայկական խոհանոցի դասական ուտեստ, պատրաստվում է մածունից, ցորենի հացահատիկից և համեմվում անանուխով կամ համեմով։

Ի՞նչ ուտել Հայաստանում

Խիստ ձմեռներով լեռնային մի երկրում գյուղական տների բնակիչների մեծ մասը նկուղներում չորացված թանի և հացահատիկի պաշարներ են պահում։

Տավարի տապակած լյարդ (Տժվժիկ)

Տժվժիկ կոչվող ուտեստը, որն իրենից ներկայացնում է տապակած տավարի լյարդ՝ համեմված մեծ քանակությամբ սոխով, աղով և պղպեղով, այն ուտեստներից մեկն է, որ կա՛մ սիրում են, կա՛մ ատում։ Ոչ բոլորին է դուր գալիս տավարի լյարդի պատրաստման յուրահատուկ հոտը և համը:

Ի՞նչ ուտել Հայաստանում

Ավանդաբար տժվժիկ պատրաստելը բավականին պարզ է․ նախ պետք է տապակել մեծ քանակությամբ սոխ, ապա ավելացնել կտրատած միսը, աղը և պղպեղը և եփել մինև պատրաստ լինի։

Չամչով փլավ

Ի՞նչ ուտել Հայաստանում

Չամչով փլավը միանգամայն «պարտադիր ուտեստ» է Հայկական Զատկի սեղանին: Հավանաբար, այս հատուկ օրվա ճաշատեսակներից ամենասիրվածներից մեկն է բոլորի համար։ Այս համեղ չամիչով բրինձը կարելի է պատրաստել մի քանի եղանակով՝ կախված Ձեր նախասիրություններից: Դուք կարող եք ավելացնել նաև տարբեր չրեր՝ չամիչը պահելով որպես պարտադիր բաղադրիչ։

Սմբուկով աղցան

Ի՞նչ ուտել Հայաստանում

Հայկական խոհանոցում աղցանները մեծ դեր են խաղում։ Տապակած բանջարեղենը, վարունգը, թարխունի և ձիթապտղի յուղը հայկական խոհանոցի տիպիկ բաղադրիչներն են, բայց մի ժամանակ Մերձավոր Արևելքի և Միջերկրածովյան շատ երկրներ կարող էին հավակնել նման հյութալի, բուրավետ աղցանների։ Այս գեղեցիկ ուտեստը, վառ, գունեղ և փափուկ տապակած բանջարեղենի և խրթխրթան նեխուրի հետաքրքիր համադրություն է ստեղծում։

Խաշ

Խաշը կովի կամ ոչխարի խաշած ոտքերից և/կամ գլխից պատրաստված ուտեստ է: Այն պատրաստվում է ցուլի սրունքները մի քանի ժամ եռացնելու ընթացքում։ Միսը եփվում է այնքան ժամանակ, մինչև ջլերը պոկվեն ոսկորներից և ջուրը վերածվի խիտ արգանակի:

Ի՞նչ ուտել Հայաստանում

Շատ անգամ եփած ստամոքսի կտորները նույնպես ավելացվում են ուտեստին։ Պատրաստման ընթացքում աղ չի օգտագործվում, սակայն այն ըստ ճաշակի ավելացվում է ուտելիս, սխտորի հետ միասին։

Քաբաբ

Հայաստանում քաբաբը պատրաստում են աղացած մսից՝ համեմված պղպեղով, մաղադանոսով և այլ խոտաբույսերով։ Միսը փաթաթում են շամփուրի վրա, որ կոչվում է նաև «շիշ», և խորովում կրակին։

Շիշ քաբաբը Հայաստանում հայտնի է որպես խորոված, իսկ Լուլ քաբաբը՝ պարզապես որպես «քյաբաբ»։ Ինչպես մյուս մշակույթներում, քաբաբը հաճախ մատուցվում է հատուկ դեպքերում: Սոխը հաճախ ավելացվում է արդեն խորոված վիճակում՝ համի փոխանցման նպատակով:

Լավաշ

Լավաշը միակ բանն է, որ լրացնում է մի շարք ուտեստների։ Այն պարտադիր է, երբ Դուք հացի եք նստում։ Սա փափուկ, բարակ թարմ հացատեսակ է, որը պատրաստվում է թոնիրում (կավե վառարան):Լավաշը պատրաստվում է ալյուրից, ջրից և աղից:

Ի՞նչ ուտել Հայաստանում

Հացի հաստությունը տատանվում է կախված այն բանից, թե որքան բարակ է բացվում խմորը։ Մինչ թխելը կարելի է ավելացնել նաև թակած քնջութի սերմեր։ Ավանդաբար խմորը բացում են օվալաձև տախտակի վրա և հարվածով խփում այն կավե վառարանի տաք պատերին։

Armenia Discovery
Ստեղծված է Մարտ 14, 2018 / Թարմացված է Հունիս 16, 2026

Հեղինակ՝ Armenia Discovery

Ձեզ կարող է նաև հետաքրքրել

Յուրաքանչյուր նորեկի համար ճանապարհորդական խորհուրդներ, որոնք պետք է իմանա Հռոմ գնալուց առաջ
Հունիս 18, 2026 Յուրաքանչյուր նորեկի համար ճանապարհորդական խորհուրդներ, որոնք պետք է իմանա Հռոմ գնալուց առաջ

Հռոմը աշխարհի ամենահայտնի զբոսաշրջային ուղղություններից մեկն է։ Ամեն տարի միլիոնավոր մարդիկ հոսում են այս հնագույն քաղաք՝ տեսնելու նրա տեսարժան վայրերը և վայելելու նրա մշակույթը։ Եթե մոտ ժամանակներս պլանավորում եք այցելել Հռոմ, կան մի քանի բաներ, որոնք...

Շարունակել
Ինչպես պլանավորել ձեր առաջին ուղևորությունը Մեծ Բրիտանիայից դեպի Հայաստան
Հունիս 18, 2026 Ինչպես պլանավորել ձեր առաջին ուղևորությունը Մեծ Բրիտանիայից դեպի Հայաստան

Հայաստանը չափազանց թերագնահատված հանգստավայր է։ Այստեղ շատ բան կա տեսնելու և անելու՝ լինի Սևան լճի շուրջը գտնվող վանքերի խիստ գեղեցկությունը, թե յոթերորդ դարի ավերված Ամբերդ ամրոցը։ Հայաստանը դարերի պատմությամբ լեցուն երկիր է։ Եթե պլանավորում եք այցելել...

Շարունակել
Ինչպես պլանավորել ձեր ուղևորությունը Նյու Յորքից դեպի Հայաստան
Հունիս 18, 2026 Ինչպես պլանավորել ձեր ուղևորությունը Նյու Յորքից դեպի Հայաստան

Հայաստանը, հավանաբար, առաջին հերթին մտքովդ չի անցնում, երբ պլանավորում ես հաջորդ արձակուրդդ, սակայն այս անհավանական երկիրը դառնում է ավելի գրավիչ միջազգային զբոսաշրջիկների համար։ Երկիրը ունի հետաքրքիր մշակութային ժառանգություն և բնության գեղեցկություն, որը երևում է ամեն քայլափոխի։...

Շարունակել
Պլանավորել ուղևորություն