Եթե եղել եք Հայաստանում, ապա նկատած կլինեք, որ այստեղ շատ հաճախ է հանդիպում «Նոյյան տապան» անվանումը։ Թե որտեղից է գալիս անվանումը և ինչ նշանակություն ունի հայերի համար, կփորձեմ ներկայացնել այս հոդվածում։
Նոյյան տապան անվանումը
Դուք իհարկե ծանոթ եք Նոյի պատմությանը․ համաձայն բիբլիական ավանդույթին՝ Նոյի տապանը հանգրվանում է Հայաստանի Արարատ լեռան վրա, որտեղից էլ նոր կյանք է սկսվում։ Դարեր անց Հայաստանը կդառնա առաջին քրիստոնյա պետությունն աշխարհում։
Այս երկու փաստերի մեջ հայ ժողովուրդը հատուկ խորհուրդ է տեսնում, և նույնիսկ այն հանգամանքը, որ Արարատ լեռն այլևս չի գտնվում Հայաստանի տարածքում, չի խանգարում, որպեսզի հայերն այն համարեն հայկական և երկրպագեն որպես սուրբ սար։
Ինչպես տեսնում եք, բոլորովին զարմանալի չէ, որ «Նոյյան տապան» անվանումն օգտագործում է տարբեր ոլորտներ ներկայացնող բազմաթիվ ընկերությունների կողմից որպես ապրանքանիշ։
Եկեք պարզենք, թե ինչ «Նոյյան տապան»-ներ կան Հայաստանում։
Նոյյան տապան #1․ Գրքերի և գրենական պիտույքների խանութ
1994 թ.-ին «Նոյյան տապան» գրախանութը իր դռները բացեց հաճախորդների առջև: Խանութը գտնվում է Երևանի կենտրոնում՝ Աբովյան փողոցում, Հանրապետության հրապարակից մի քանի քայլ հեռավորության վրա:
«Նոյյան տապան» ընկերությունը ներկայացնում է գրքերի և գրենական պիտույքների լայն տեսականի և համագործակցում է բազմաթիվ գրասենյակների, դպրոցների և տարբեր կազմակերպությունների հետ: Ընկերությունն առաջարկում է շուրջ 9,000 գրենական պիտույք և ավելի քան 30.000 տարբեր գրքեր:
«Նոյյան տապան»-ը համագործակցում է ոչ միայն հայկական, այլև արտասահմանյան և միջազգային կազմակերպությունների և ապրանքանիշերի հետ: Ընկերությունը հանդիսանում է մի շարք խոշոր համաշխարհային արտադրողների բացառիկ ներկայացուցիչը Հայաստանում: Սա ոչ միայն գրախանութ է, այլ նաև հրատարակչական ընկերություն, որը տալիս է մեծ տպագրական արտադրանք:
Նոյյան տապան #2․ Հայկական միջազգային թերթ
«Նոյյան Տապան»-ը տեղեկատվական-վերլուծական թերթ է, որը թողարկվում է ինչպես տպագիր, այնպես էլ էլեկտրոնային տարբերակով: Դուք կարող եք գտնել այն առցանց՝ «Նոյյան Տապան» կայքում: Տպագիր թերթը լույս է տեսնում ամիսը մեկ անգամ և ներկայացնում է լուրեր Հայաստանի քաղաքական, տնտեսական և մշակութային կյանքից։ Ամսագիրը հասանելի է հայերեն, անգլերեն, ֆրանսերեն և ռուսերեն լեզուներով:
Եթե ցանկանում եք ունենալ բազմաբնույթ տեղեկատվություն ամբողջ աշխարհից, ապա այս ամսագրի կայքում կարող եք գտնել նորություններ, մեկնաբանություններ, վերլուծություններ, հարցազրույցներ, էսսեներ, հեռուստաշոուներ և այլ հետաքրքիր նյութեր Հայաստանից, Արցախից, հայական սփյուռքից և այլ վայրերից։
Նոյյան տապան #3․ Գինիների խանութ
Բացի գրախանութից և ամսագրից, Երևանում գործում է նաև հայտնի «Նոյյան տապան» ոգելից խմիչքների խանութը: Տեղացիներին այն առավել հայտնի է որպես «Նոյյան տապան» գինիների խանութ։ Իրականում սա ալկոհոլային խմիչքների խանութների ցանց է, որը հիմնադրվել է 2008 թ.-ին և հայտնի է դարձել որակյալ խմիչքների տեսականիով:
«Նոյյան տապան» ոգելից խմիչքների խանութը գտնվում է Մարշալ Բաղրամյանի պողոտայում։ Խանութը հայտնի է դարձել և սիրվել տեղացիների կողմից առաջարկվող բարձրորակ և բնօրինակ ընպելիքների շնորհիվ։
Այստեղ աշխատում են պրոֆեսիոնալներ և, եթե դուք չեք կողմնորոշվում խմիչքների ընտրության հարցում, ապա խանութի մասնագետները կներկայացնեն ձեզ հետաքրքրող տեսականին և կօգնեն կատարել ճիշտ ընտրություն՝ ձեր նախասիրություններին համապատասխան։
Խանութների ցանցը ներառում է երեք խանութ, որոնցից մեկը հանդիսանում է ինչպես գինու խանութ, այնպես էլ՝ ռեստորան:
Նոյյան տապան #4 Ռեստորան
«Նոյյան տուն» ռեստորանը գտնվում է Երևանի կենտրոնում՝ Ամիրյան փողացում։ Այս ռեստորանը հիանալի վայր է համեղ ուտեստներ և բարձրորակ գինիներ համտեսելու համար: Այստեղ կգտնեք Ֆրանսիայից ներմուծված թարմ ծովամթերք և գինիների լայն տեսականի, ինչպես նաև հաճելի երաժշտություն և բարձրակարգ սպասարկում:
Ամփոփում
Հետաքրքիր կլիներ իմանալ, թե նշված «Նոյյան տապան»-ներից որ մեկը ձեզ առավել հետաքրքրեց։ Ինչ վերաբերում է ինձ, ես կփորձեի համատեղել դրանք բոլորը։
Նախ՝ ես երկար կշրջեի «Նոյյան տապան» գրախանութում և կգնեի որևէ հետաքրքիր գիրք կամ գրենական պիտույքներ, որովհետև դա իմ թուլությունն է, այնուհետև ոգևորված և քաղցած կմտնեյի «Նոյան տուն» ռեստորան, որպեսզի վայելեմ այստեղ առաջարկվող համեղագույն ուտեստներն ու խմիչքները։ Միգուցե, մինչև պատվերին սպասելը, կայցելեի «Նոյյան տապան» ամսագրի կայք և կծանոթանայի օրվա նորություններին։ Դե իսկ ռեստորանից հեռանալիս՝ չէի մոռանա գնել խմիչքների խանութից որևէ լավ գինի։
Կարծում եմ՝ հիանալի օր գծագրվեց։ Բացահայտե՛ք Երևանը և վայելեք ամեն մի րոպեն։
