Հայաստանի կինոթատրոնները

Հայաստանի կինոթատրոնները

December 19, 2017

Երկիր, որը մի քանի տասնամյակ մեծ է Հռոմից, սկսել է ֆիլմեր նկարահանել դեռ 1907-1914 թվականներին։ Այդ ժամանակից ի վեր հայկական կինեմատոգրաֆիան սկսել է ներկայացնել ֆիլմեր, որոնք հավերժ կմնան պատմության մեջ։ Առաջին կինոթատրոնները բացվել են Երևանում, Վանաձորում (Լոռու մարզ), Գավառում (Գեղարքունիքի մարզ) և Ստեփանակերտում (Լեռնային Ղարաբաղ) 1924 թվականին։

Մոսկվա կինոթատրոն 

Երևանի ամենահայտնի և ամենահին կինոթատրոնը, թերևս, Մոսկվա կինոթատրոնն է։ Այն բացվել է 1936 թվականի դեկտեմբերի 12-ին։ Հայաստանի սրտում գտնվող այս շենքն ավելի քան 80 տարի զարդարում է վարդագույն քաղաքը և մինչ օրս մնում է արդիական և գրավիչ։

Մոսկվա կինոթատրոն

Կինոթատրոնի ճարտարապետները Տիրան Երկանյանը և Գևորգ Քոչարն են։ Իսկ շենքի ճակատը զարդարում են ինքնատիպ քանդակներ՝ հայկական խորհրդային հայտնի ֆիլմերի թեմաներով։ Կինոթատրոնի ներկայիս տեղում մի ժամանակ Սուրբ Պողոս-Պետրոս եկեղեցին էր։ Բացման արարողության ժամանակ ցուցադրվեց «Պեպո»-ն՝ Հայկական առաջին ձայնային ֆիլմը։ Ֆիլմի ռեժիսորը հայտնի հայ կինոռեժիսոր Համո Բեկնազարյանն է:

«Մոսկվա» կինոթատրոնն ունի չորս սրահ, որոնցից ամենամեծը «Կարմիր դահլիճ»-ն է (491 տեղ), այնուհետև՝ «Կապույտ դահլիճ»-ը (352 տեղ), «փոքր կարմիր սրահ»-ը (49 տեղ) և «Vip փոքր կապույտ սրահ»-ը (35 տեղ): Բոլոր սենյակները կահավորված են ժամանակակից սարքավորումներով:

Բացի ֆիլմերի ցուցադրությունից, կինոթատրոնում անց են կացվում տարբեր միջոցառումներ։ Այդ միջոցառումների շարքում է բրիտանական ֆիլմերի փառատոնը, որը կազմակերպել է Հայաստանի Բրիտանական խորհուրդը։ Փառատոնի շրջանակներում ներկայացվել են բրիտանական ժամանակակից կինեմատոգրաֆիայի լավագույն ֆիլմերը։

Շենքի ինչպես ներքին, այնպես էլ արտաքին կողմն ունի մշակութային արժեք և նշանակություն։ Կինոթատրոնի դիմաց կա մի փոքրիկ հրապարակ, որն անվանվել է աշխարհահռչակ հայի՝ Ազնավուրի պատվին։ Այս տարածքում կան բազմաթիվ հետաքրքիր հուշարձաններ, շախմատի քարեր, շատրվաններ։ Ժամանակ առ ժամանակ Ազնավուրի հրապարակը երաժշտական հարթակ է դառնում տարբեր համերգների համար։ 

Մոսկվա կինոթատրոն, կարմիր դահլիճ

«Ոսկե Ծիրան»

2004 թվականից «Մոսկվա» կինոթատրոնում անցկացվում է «Ոսկե ծիրան» միջազգային խոշորագույն կինոփառատոնը: Փառատոնը հիմնադրվել է «Ոսկե ծիրան» հիմնադրամի՝ հայ կինեմատոգրաֆիստների և կինոլրագրողների ասոցիացիայի կողմից:

Ամեն տարի հուլիսին հիմնադրամը ներկայացնում է մոտ 120-150 ֆիլմ։ Վերջին շրջանում փառատոնը դարձել է Հայաստանի կարևորագույն միջոցառումներից մեկը։ Բացման արարողությունը սկսվում է միայն ծիրանի օրհնությունից հետո։

«Նաիրի» կինոթատրոն

Երևանի ամենահին կինոթատրոնը համարվում է «Նաիրի» կինոթատրոնը։ 1920-1950-ական թվականներին կինոթատրոնը գտնվում էր Ամիրյան փողոցում, սակայն 50-ական թվականներից հետո այն տեղափոխվեց Մաշտոցի պողոտայի և Իսահակյան փողոցի խաչմերուկ։ Մի ժամանակ այստեղ կային բաց և փակ դահլիճներ, որտեղ ցուցադրվել է հայկական առաջին ֆիլմը՝ «Զարե»-ը։

Նաիրի կինոթատրոն

«Նաիրի» կինոթատրոնի շենքը նախագծվել է ճարտարապետ Ալեքսանդր Թամանյանի կողմից, ում աշխատանքը շարունակել է որդին՝ Գ. Թամանյանը։ Այն կառուցվել է կարմիր տուֆից։ Կառույցի առաջամասն ունի երեք գեղեցիկ գմբեթավոր մուտքեր: Կինոթատրոնն ունի երեք դահլիճ՝ ամենամեծն ունի 231 տեղ, ամենափոքրը՝ 42 տեղ, և VIP սրահը՝ 12 տեղով։

«Սինեմա Սթար» կինոթատրոն

«Սինեմա Սթար» ընկերությունը հիմնադրվել է 2005 թվականին Ռուսաստանում։ Այնուհետև այն առաջատար կինոթատրոն է դարձել ֆիլմերի շնորհանդեսների համար։ Ներկայումս «Սինեմա Սթար»-ը մասնաճյուղեր ունի Ռուսաստանի և Հայաստանի տարբեր քաղաքներում։ Հայաստանյան առաջին մասնաճյուղը հիմնադրվել է 2013թ.-ին Երևանում՝ Dalma Garden Mall առևտրի կենտրոնում:

Այստեղ կիրառվում են "DOLBY ATMOS" ձայնային տեխնոլոգիաները: Այն ներառում է "DolbyDigitalSurround EX" համակարգը՝ 360 աստիճան ձայնային հզորությամբ, "Christie"պրոյեկտորների սարքավորումները և աշխարհահռչակ"Volfoni" ընկերության 3D սարքավորումները: Կինոթատրոնն ունի 6 սրահ, որտեղ ներկայացվում են նաև անգլերեն լեզվով ֆիլմեր։ 

.Սինեմա սթար կինոթատրոն

Բացի կինոթատրոնից, Dalma Garden Mall առևտրի կենտրոնում գործում է նաև մանկական խաղահրապարակ՝ Play Lab, Բոուլինգ կենտրոն և սրճարան-ռեստորան:

«Սինեմա Սթար» ընկերության Հայաստանյան երկրորդ կինոթատրոնը գտնվում է ՌԻՈ մոլլ առևտրի կենտրոնում։ Այստեղ ներառված են 4 կինոդահլիճներ, որոնք ապահովված են ֆիլմերի ցուցադրության առաջադեմ տեխնոլոգիաներով ու հնարավորություններով։ 

«Կինոպարկ» կինոթատրոն

Երևանի հաջորդ կինոթատրոնը «Կինոպարկ»- ն է, որը գտնվում է Արշակունյաց փողոցում՝ Yerevan Mall առևտրի կենտրոնում ։ Բացման արարողությունը տեղի է ունեցել 2015 թվականի դեկտեմբերի 5-ին ։ Կինոթատրոնն ունի 6 դահլիճ։ Սենյակները կահավորված են ժամանակակից սարքավորումներով և ունեն 3D տեխնոլոգիաներ, 4K Ultra HD պրոյեկտորներ, DOLBY ATMOS ձայնային տեխնոլոգիաներ։ «Կինոպարկ»-ում ներկայացվում են նաև անգլերեն լեզվով ֆիլմեր։

Կինոպարկ Սինեմա

«Հոկտեմբեր» կինոթատրոն

Հոկտեմբեր կինոթատրոնը Գյումրիի միակ և գլխավոր կինոթատրոնն է: Այն բացվել է 1926 թվականին և գտնվում է քաղաքի կենտրոնում՝ Աբովյան փողոցի վրա։ Շենքը, որի ճարտարապետը Գ.Սարգսյանն էր, կառուցվել է ռուսական բարոկկոյի ոճով։ 

Հոկտեմբեր կինոթատրոն Գյումրիում

 

You may also be interested in