Շամլուղ

Շամլուղը գտնվում է Լոռու մարզում ՝ Հայաստանի հյուսիս-արևելքում: Տեղակայված է Դեբեդ գետի ձախ ափին՝ Երևանից 196կմ, իսկ մարզկենտրոն Վանաձորից 63 կմ դեպի հյուսիս: Շամլուղի կլիման մերձարևադարձային է՝ չոր և զով ամառներով և մեղմ ձմեռներով: 

Շամլուղի պատմությունը

Շամլուղ քաղաքը գտնվում է Լալվար լեռան լանջին և շրջապատված է խիտ անտառներով և մարգագետիններով: Քաղաքը նախկինում եղել է բազմազգ բնակավայր, որտեղ ապրել են շուրջ 16 ազգեր: 1938 թվականին Շամլուղը ստացել է քաղաքային տիպի բնակավայրի կարգավիճակ:

18-րդ դարում Արևելյան Հայաստանը դեռևս գտնվում էր Իրանի տիրապետության ներքո։ Այս ժամանակ Հայաստամի Լոռու շրջանում զարգանում է պղնձի արդյունահանությունը։ Բազմաթիվ հույն հանքագործներ էին գաղթում այս տարածաշրջան, և 1770-ին այստեղ կառուցվում է պղնձի արդյունաբերական գործարանը, որը խթանում է ամբողջ շրջանի աստիճանական զարգացումը և հիմք հանդիսանում Շամլուղի հիմնադրման համար:

2001 թվականին Շամլուղի պղնձի հանքավայրը սկսել է շահագործվել տեղական մասնավոր ընկերության կողմից:

Շամլուղի տեսարժան վայրերը

Քաղաքի տարածքում կան մի շարք հետաքրքրաշարժ տեսարժան վայրեր: Շամլուղից 5 կմ հարավ-արևմուտք գտնվող հինավուրց բնակավայրի հնագիտական ​​տեղանքը թվագրվում է 10-13-րդ դարերով: Այս տեղանքի տարածքում պահպանվել են երեք եկեղեցիների ավերակներ:

Շամլուղի մերձակայքում պահպանվել են նաև 10-13-րդ դարերի գերեզմանատան տարածք և 13-րդ դարի խաչքարներ: Այստեղ է գտնվում նաև հունական Սուրբ Գեորգի մատուռը, որը կառուցվել է 1909 թվականին:

Տեղացիներն իրենց քաղաքն անվանում են «դրախտ լեռների մեջ» և միշտ ուրախ են հյուրերին: Նրանք հավանաբար ձեզ կուղեկցեն իրենց հայտնի «թթու ջուր» կոչվող աղբյուրի մոտ, որի ջուրը տեղացիները բուժիչ են համարում։ Քաղաքն կա նաև մշակութային կենտրոն և հանրային գրադարան: