Հայաստանի հրաշալիքները 8 օրում

Օր 1

Կանգառ 1.Երևան ժամանում

Ժամանում «Զվարթնոց» միջազգային օդանավակայան։ Օդանավակայանի համապատասխան ընթացակարգերն անցնելուց հետո ձեզ կդիմավորի ձեր զբոսավարը (գիդը), որից հետո նախատեսվում է տեղափոխում Երևան։

Օր 2

Կանգառ 1.Երևանի քաղաքային շրջայց

Օրը կսկսվի Հայաստանի մայրաքաղաք և աշխարհի հնագույն քաղաքներից մեկի՝ Երևանի բացահայտմամբ։ Առաջին կանգառը կլինի Հաղթանակի զբոսայգին, որտեղ վեր է խոյանում «Մայր Հայաստան» հուշարձանը։ Այնուհետև կայցելեք Կասկադ համալիր և Գաֆեսճյան արվեստի կենտրոն (Քանդակների պուրակով), որտեղից կմեկնարկի հաճելի քայլարշավ քաղաքի կենտրոնով։ Տուրը կշարունակվի ձեռագործ աշխատանքների և հուշանվերների հանրահայտ «Վերնիսաժ» բացօթյա շուկայում, որին կհաջորդի այցելությունը տեղական կոլորիտով հարուստ «ԳՈՒՄ»-ի գյուղմթերքի շուկա։ Օրվա ծրագիրը կավարտվի Ծիծեռնակաբերդի բարձունքում գտնվող Հայոց ցեղասպանության հուշահամալիր այցելությամբ։

Օր 3

Կանգառ 1.Երևան - Զվարթնոց - Էջմիածին - գինեգործարան - Երևան

Ուղևորություն դեպի 7-րդ դարի Զվարթնոցի տաճարի ավերակներ (ՅՈՒՆԵՍԿՕ)։ Այնուհետև ճանապարհը կշարունակվի դեպի Մայր Աթոռ Սուրբ Էջմիածին՝ Հայ Առաքելական Եկեղեցու հոգևոր և վարչական կենտրոն։ Այստեղ կայցելեք Մայր տաճար, ինչպես նաև տեղի գանձատուն-թանգարան, որտեղ պահվում են քրիստոնեական աշխարհի և հայ եկեղեցու գլխավոր սրբություններն ու մասունքները։ Տուրի հաջորդ կանգառը կլինի տեղական գինեգործարաններից մեկում, որտեղ սպասվում է ծանոթություն հայկական գինեգործության ավանդույթներին և գինու համտես։ Օրվա ավարտին՝ վերադարձ Երևան։

Օր 4

Կանգառ 1.Երևան - Խոր Վիրապ - Արենի-1 քարանձավ - Նորավանք - գինեգործարան այցելություն - Գորիս

Ուղևորություն դեպի Հայաստանի հարավային շրջաններ։ Առաջին կանգառը կլինի Խոր Վիրապի վանական համալիրը, որտեղից բացվում է աստվածաշնչյան Արարատ լեռան ամենատպավորիչ ու մոտիկ տեսարանը։ Այնուհետև կայցելեք հնագիտական մեծ արժեք ներկայացնող «Թռչունների քարանձավ» (Արենի-1)։ Ճանապարհը կշարունակվի Ամաղու գեղատեսիլ կիրճով դեպի կարմիր ժայռերի գրկում թառած հրաշակերտ Նորավանքը։ Տուրի հաջորդ կանգառը կլինի տեղական ընտանեկան գինեգործարաններից մեկում, որը հայտնի է իր էնդեմիկ Արենի խաղողի սորտից պատրաստված անապակ կարմիր գինիներով: Օրվա ավարտին նախատեսվում է մեկնում Գորիս։

Օր 5

Կանգառ 1.Գորիս - Խնձորեսկ - Տաթևի վանք - Գորիս

Ուղևորություն դեպի Հին Խնձորեսկի քարանձավային քաղաք, որտեղ կքայլեք հռչակավոր ճոճվող կամրջով։ Այնուհետև ճանապարհը կշարունակվի դեպի Սյունիքի ամենահիասքանչ ու տպավորիչ վայրերից մեկը՝ միջնադարյան Տաթևի վանական համալիր։ Դուք կնստեք աշխարհի ամենաերկար հետադարձելի ճոպանուղին՝ «Տաթևի թևերը», որով կճախրեք Որոտանի խորխորատ կիրճի վրայով և կհասնեք պատմական վանքի պարիսպներին։

Օր 6

Կանգառ 1.Գորիս - Զորաց քարեր - Վարդենյաց լեռնանցք - Դիլիջան

Ուղևորություն դեպի Սյունիքի խորհրդավոր «Զորաց քարեր» հնավայր (Քարահունջ), որը հաճախ անվանում են հայկական Սթոունհենջ։ Այնուհետև Մետաքսի ճանապարհի պատմական Վարդենյաց (Սելիմի) լեռնանցքով ճանապարհը կշարունակվի դեպի Դիլիջան: Լեռնանցքի գագաթին կանգ կառնեք՝ այցելելու լավ պահպանված 14-րդ դարի Օրբելյանների քարավանատունը (կարավանսարա), որից հետո, անցնելով Սևանա լճի ափով, կհասնեք անտառապատ Դիլիջան։

Օր 7

Կանգառ 1.Դիլիջան - Սևան լիճ - Երևան

Օրը կսկսվի Դիլիջանի պատմական հին Շարամբեյան փողոցով, որտեղ կզգաք 19-րդ դարի քաղաքի իսկական կոլորիտն ու կծանոթանաք ձեռագործ վարպետների աշխատանքներին։ Այնուհետև կուղևորվեք դեպի Սևանա լիճ, որտեղ կայցելեք թերակղզու բարձունքին գեղեցիկ տեղակայված միջնադարյան Սևանավանքը, որտեղից բացվում է հիասքանչ տեսարան դեպի կապուտակ լիճը։ Տուրի ավարտին նախատեսվում է վերադարձ Երևան։

Օր 8

Կանգառ 1.Երևան - Գառնի - Քարերի սիմֆոնիա - Գեղարդ - Երևան մեկնում

Ուղևորություն դեպի Հայաստանի հնագույն հուշարձաններից մեկը՝ 1-ին դարի Գառնիի հեթանոսական տաճար։ Այնուհետև կայցելեք Գառնիի կիրճ՝ հիանալու «Քարերի սիմֆոնիա» բնական հուշարձանի տպավորիչ բազալտե սյուներով։ Հաջորդ կանգառը կլինի տեղական գյուղական տներից մեկում, որտեղ կմասնակցեք ավանդական լավաշի թխման արարողությանը: Տուրը կշարունակվի դեպի 13-րդ դարի ժայռափոր Գեղարդի վանական համալիր (ՅՈՒՆԵՍԿՕ)։ Վերադարձ Երևան, որտեղ կունենաք ազատ ժամանակ մեկնումից առաջ։ Ծրագրի ավարտին՝ տրանսֆեր «Զվարթնոց» միջազգային օդանավակայան և մեկնում։