«Գլաձոր» առողջարանային համալիր

«Գլաձոր» առողջարանային համալիր

December 07, 2017

Stop Azerbaijani Aggression

Խնդրում ենք նկատի ունենալ, որ առողջարանը փակվել է 2018թ․-ին։

Տաք աղբյուրներով, թարմ հանքային ջրերով, բուժիչ օդով, ջրվեժներով, հետիոտնային գեղեցիկ արահետներով հայտնի և խիտ անտառներով շրջապատված Ջերմուկ քաղաքը (Վայոց Ձորի մարզ) մինչ օրս մնում է Հայաստանի լավագույն առողջարանային քաղաքներից մեկը: Ունենալով բազմաթիվ բուժիչ հանքային աղբյուրներ, ջուր և բուժիչ օդ՝ այս քաղաքը կատարելապես համապատասխանում է առողջարանային ցանկացած քաղաքի բոլոր չափանիշներին։ Այս պայմանների շնորհիվ, այն ունի բազմաթիվ առողջարաններ, որոնք առաջարկում են լավագույն բժշկական ծառայությունները և բուժումը:

Գլաձոր առողջարան

«Գլաձոր»-ի համալիրն այս քաղաքի բազմաթիվ առողջարաններից մեկն է։ Այն գտնվում է Արփա գետից ոչ հեռու՝ Հայաստանի հարավ-արևելյան մասում և համարվում է քաղաքի լավագույն առողջարաններից։ Այստեղ հյուրերը կարող են հանգստանալ, անցնել բուժական պրոցեդուրաներ և վայելել Ջերմուկի գեղեցիկ բնությունը: Հյուրանոցը գտնվում է բարձր կիրճում, որտեղից հրաշալի տեսարան է բացվում դեպի քաղաք։

Առողջարանային բուժման համալիրն ընդգրկում է բուժման հանքային տաք ջրի ներքին և արտաքին կիրառումը, բուժական սննունդը, ֆիզիոթերապևտիկ և այլ պրոցեդուրաներ։ 

«Գլաձոր» առողջարանն առաջարկում է հետևյալ բուժական մեթոդները՝

  • Աերոզոլային թերապիա
  • Էլեկտրաֆորեզ ՝ Դեղորայքային (Իոնոֆորեզ)
  • Էլեկտրաբուժություն
  • Կինեզիտերապիա
  • Մագնիսաբուժություն
  • Ատամների բուժում (ոչ վիրաբուժական)
  • Տորֆաբուժություն
  • Ֆարմակոթերապիա
  • Ուլտրաֆոնոֆորեզ
  • Ֆիզիոթերապիա
  • Ֆիտոթերապիա
  • Հանքային ջրերով բուժում (Բալնեոթերապիա)

 

Այստեղ բուժվում են հետևյալ հիվանդությունները՝

  • Հոդախտ (արթրոզի), ոսկրահոդախտ (օստեոարթրոզ), աղային կուտակումներ
  • Շաքարախտ
  • Լեղապարկի հիվանդություններ
  • Աղեստամոքսային տրակտի հիվանդություները /գաստրիտ
  • Գինեկոլոգիական հիվանդություններ / գինեկոլոգի ծառայություններ
  • Երիկամային հիվանդություններ / Նեֆրոլոգի (երիկամաբան) ծառայություններ
  • Լյարդի հիվանդություններ
  • Նյարդային համակարգի հիվանդություններ / Նյարդաբանի ծառայություններ
  • Գիրություն
  • Բերանի խոռոչի (ստոմատոլոգիական) հիվանդություններ / Ստոմատոլոգի ծառայություններ
  • Ծայրամասային նյարդային համակարգի հիվանդություններ
  • Պրոկտոլոգիական հիվանդություններ / Պրոկտոլոգի ծառայություններ
  • Ռադիկուլիտ
  • Վերարտադրողական համակարգի հիվանդություններ
  • Ռևմատիզմ / Ռևմատոլոգի ծառայություններ
  • Իշիաս
  • Ատամների հիվանդություններ
  • Ուրոլոգիական հիվանդություններ / Ուրոլոգի ծառայություններ

 

Ձեզ կհետաքրքրի նաև