Բոլոր երեք վայրերը տեղ են գտել Արագած լեռան լանջերին և ստորոտներին։ Մեր զբոսաշրջիկների կողմից սիրված այս տուրի ծրագրում են 10-րդ դարի Ամբերդ ամրոցը, Տառերի պուրակը և Քարի լիճը։
Տրանսպորտ
Զբոսավարի ծառայություն (օտարախոս մասնակիցների առկայության պարագայում տուրը կանցկացվի երկու լեզվով)
Սնունդ
Ամբերդ ամրոցի մուտքավճար - 1500 AMD
2300 մետր ծովի մակերևույթից բարձր գտնվող Ամբերդը բնակեցված է եղել դեռ քարե դարից, իսկ այսօրվա ամրոցը վեր է կանգնել 10-րդ դարում։ Գտնվելով երկու գետերի միախառնման տեղում՝ ամրոցը երկար դարեր մնացել է բացառիկ անառիկ և ընկել է միայն 14-րդ դարում, որից հետո աննշան փոփոխություններով հասել մեր օրեր։ Ամրոցը բաղկացած է բերդից, 1026 թվականի սբ. Աստվածածին եկեղեցուց, մատուռից, բաղնիքից և այլ աշխարհիկ շինություններից։
Արագած լեռան վրա շատ են լճակները, որոնցից մեկն էլ Քարի լիճն է, 3207 մետր բարձրության վրա գտնվող։ Սառցե գոյացություններից առաջացած Քարի լիճը ունի մինչև 8 մետր խորություն և խիստ սառը ջուր։ Լճի մակերեսը կազմում է 0.12 կմ/քառ, իսկ լճի արևմտյան կողմից սկիզբ է առնում Արքաշեն գետը։
Եկեղեցին կառուցվել է մի խումբ վանականների կողմից, որոնք տեղափոխվել էին ուղիղ մեկ մղոն հեռու գտնվող Հովհաննավանքից, և Մուղնի անունը հենց մղոն բառից էլ ծագում է։ Այժմյան եկեղեցին 17-րդ դարի կառույց է՝ սև և վարդագույն տուֆի համադրմամբ։ Եկեղեցու մուտքի և պատերի քանդակները, ոճային լուծումները եկեղեցու ճարտարապետությունը դարձնում են ուշ միջնադարյան լավագույն նմուշներից մեկը։
Տուրի վերջին կանգառը Տառերի պուրակն է։ Չէ որ, աշխարհում կան ոչ ավել, քան 70 այբուբեններ, որոնցից մեկը հայկականն է։ Ստեղծվելով 405 թվականին` շուրջ 1600 տարի հայոց տառերն ու հայ ժողովուրդը անբաժան են։ Լինելով սեփական գիր ունեցող ժողովուրդ, հայերն իրենց պատմության ընթացքում ստեղծել և տարածել են հազարավոր ձեռագրեր, գրքեր, մատյաններ։ և ահա, 2005 թվականին նշելով գրերի ստեղծման 1600-ամյակը, կառուցվեց Տառերի պուրակը։ 38 տառերը քանդակների տեսքով, կանգնած են փոքրիկ դաշտի վրա, Արագած լեռան լանջին, իսկ տառերի ետեւում հայ ժողովրդի մշակույթի առավել հայտնի գործիչներն են՝ Մեսրոպ Մաշտոցն ու Գրիգոր Լուսավորիչը։
2026 Armenia Discovery. Բոլոր իրավունքները պաշտպանված են
Ստեղծված է՝ Munich Ventures