«Արարատ» մոր և մանկան առողջարան

«Արարատ» մոր և մանկան առողջարան

December 07, 2017

Ջերմուկն, իհարկե, Հայաստանի լավագույն առողջարանային քաղաքներից մեկն է, եթե ոչ լավագույնը։ Մեղմ կլիմա, թարմ օդ, անտառներով հարուստ լեռներ, ալպիական մարգագետիններ և բուժիչ հանքային ջուր․ ուրիշ ի՞նչ է անհրաժեշտ լիարժեք հանգստի համար: Թվում է՝ բնությունն այս բոլոր բարիքները ստեղծել է հատուկ մեծ հնարավորություններով այս փոքրիկ քաղաքի համար։ 

Արդեն 34 տարի է, ինչ «Արարատ» առողջարանը համարվում է Ջերմուկի առաջատար առողջարանային համալիրներից մեկը։ Ինչպես ասում են՝ եկե՛ք «Արարատ», խմե՛ք «Ջերմուկ» և առո՛ղջ եղեք։ «Արարատ» առողջարանը հիմնադրվել է դեռևս խորհրդային տարիներին։ Այն 3-րդ բուժական առողջարանն էր, որտեղ վերականգնողական բուժման էին եկել արդյունաբերական ձեռնարկության աշխատակիցները: Մինչ օրս առողջարանը պահպանում է իր ավանդույթները․ Համագործակցելով եվրոպական առաջատար առողջապահական կենտրոնների հետ՝ «Արարատ» առողջարանը մշտապես առաջարկում է վերականգնողական բուժման մշակված և կատարելագործված մեթոդներ:

Արարատ առողջարան

Առողջարանային կենտրոնն առաջարկում է արդյունավետ բուժման և լիարժեք հանգստի համալիր ծառայություն: 

Բուժական ծառայությունները ներառում են՝

  • Վերականգնողական բուժում։ Աշխատակիցների փորձը, բուժման ժամանակակից մեթոդները և նորագույն տեխնոլոգիաներն այս կենտրոնի աշխատանքի կարևորագույն գործոն են հանդիսանում: Այս գործոնները բուժական բարձր արդյունավետություն են ապահովում։ Արդյունքում, առողջարանի հաճախորդները հեռանում են լիովին առողջ։
  • Առողջարանային պրոցեդուրա։ Առողջական ամբողջական վերականգնման պրոցեդուրան իրականացվում է հանքային ջրով, որը կոչվում է «Ջերմուկ» (անգլերենից թարգմանաբար նշանակում է եղնիկ)։ «Ջերմուկ»-ն ունի բուժիչ հատկություններ և հայտնի է ամբողջ աշխարհում:
  • Առողջության և իմունային համակարգի ամրապնդում։ Պարզապես Ջերմուկում լինելը և առողջ օդ շնչելն ազդում են առողջության և իմունային համակարգի ամրապնդման վրա։

Ախտորոշիչ ծառայություններ

Ախտորոշիչ կենտրոնը մշտական խորհրդատվություն է առաջարկում թերապևտների, նյարդաբանների, ուռուցքաբանների, ուրոլոգների, վիրաբույժների հետ և իրականացնում է հետևյալ ծառայությունները՝ էլեկտրասրտագրություն, կլինիկական-կենսաքիմիական լաբորատոր հետազոտություններ, էնդոսկոպիկ և ուլտրաձայնային հետազոտություններ (վճարովի):

«Արարատ» մոր և մանկան առողջարանային համալիրում անց են կացվում առաջին կարգի հանքային հիդրոթերապիա, ֆիզիոթերապիա, պարաֆինոթերապիա, ինհալացիա, մերսում և այլ պրոցեդուրաներ: Առողջարանում իրականացվող բուժման երեք հիմնական բնութագրերն են՝

1․ Ավանդական բուժական մեթոդների կիրառում՝ հանքային ջրերով

2․ Ժամանակակից մեթոդներ՝ ժամանակակից սարքավորումներով

3․ Պրոֆեսիոնալ անձնակազմ։

 

Արարատ առողջարան

Սպա սրահն առաջարկում է՝

  • հանքային ջրով լոգանքներ
  • չորսխցիկանի գալվանական լոգանքներ
  • ստորջրյա ցնցուղ-մերսում
  • հիդրոկոլոնոթերապիա՝ աղիքային լվացումներ, միկրոհոգնա
  •  ապարատային ֆիզիոթերապիա (էլեկտրո, մագնիտո, գալվանո, ֆոտո, լազերո, գերձայնային թերապիաներ
  • բարձր հաճախության հոսանքներ՝ դարսունվալացում, ԳԲՀ (УВЧ), միկրոալիքներ
  • պարաֆինոթերապիա
  • ռեֆլեքսոթերապիա
  • լնդերի ողողում
  • գինեկոլոգիական ողողում
  • ինհալացիա
  • բուսաբուժություն (բուժիչ թեյ)
  • բուժական մանուալ մերսում
  • կինեզոթերապիա
  • թթվածնային կոկտեյլ (մատուտակի արմատ)
  • դուոդենաժ (լեղու մանրադիտակային հետազոտությամբ)

«Արարատ» առողջարանային համալիրում բուժվում են հետևյալ հիվանդությունները՝

  • Ստամոքսային տրակտի հիվանդություններ
  • Լեղապարկի և լյարդի խրոնիկ հիվանդություններ
  • Հենաշարժական ապարատի հիվանդություններ
  • Միզասեռական համակարգի խրոնիկ հիվանդություններ
  • Էնդոկրին համակարգի խրոնիկ հիվանդություններ
  • Նյարդային համակարգի խրոնիկ հիվանդություններ
  • Մանկական ուղեղային կաթված՝ առանց խորը մտավոր հետամնացության

 

Ձեզ կհետաքրքրի նաև