Տաթևի վանք, «ՏաԹևեր», Սատանի կամուրջ, Շաքիի ջրվեժ, Արենի գին

Տաթևի վանք, «ՏաԹևեր», Սատանի կամուրջ, Շաքիի ջրվեժ, Արենի գինու գործարան

Տևողություն 14-15 ժամ։ ## "Հայաստանի հարավը ներկայացնող տուրի շրջանակներում այցելում ենք Սյունիքի մարզ, որտեղ մեր զբոսաշրջային խումբն այցելում է Տաթեւի վանք, «Տաթեւեր» ճոպանուղի, Սատանի կամուրջ, Շաքիի ջրվեժ եւ Արենիի գինու գործարան։ Զբոսաշրջային մեծ պահանջարկ վայելող այս տուրի էքսկուրսիոն ծրագրի ընթացքում մեր զբոսաշրջիկները ծանոթանում են շատ տարբեր, եւ միաժամանակ միմյանց փոխլրացնող տեսարժան վայրեր։ "

01 Օգոստոս, 01 Օգոստոս

Սկիզբ | Ավարտ: —

Լեզու: Անգլերեն, Ռուսերեն, Հայերեն, Ֆրանսերեն, Գերմաներեն

Տևողություն: 1 Օր

Սկզբնակետ | Վերջնակետ: 1a Sayat-Nova Ave, Yerevan 0001, Armenia | 1a Sayat-Nova Ave, Yerevan 0001, Armenia

Շրջագայության տեսակը: Անձնական

Խմբի չափը: —

Ներառում է

Տրանսպորտ

Տուրի ծրագիր

Օր 1

Կանգառ 1.Տաթև

Հայաստանի մշակույթի, ճարտարապետության եւ պատմության մասին ճշգրիտ պատկերացում ունենալու համար Տաթեւի վանք այցելությունը պարտադիրներից է։ 906 թվականին կառուցված սբ.Պողոս-Պետրոս եկեղեցին համարվում է ժամանակի լավագույն կառույցներից մեկը։ Հսկայական եկեղեցին կանգնած է կիրճի հենց եզրին, անդունդի պռնկին։ Հայերի ամենասիրելի վայրերից մեկը եղել է նաեւ համալսարան, մի քանի դար անց, նույնիսկ, ազատագրական շարժման կենտրոն, որի առաջնորդը Գարեգին Նժդեհն էր` հայ ժողովրդի ողջ պատմության մեծագույն հերոսներից մեկը։

Կանգառ 2.Սատանի կամուրջ

Սատանի կամուրջը Հայաստանի բնական հրաշքներից մեկն է, որը գտնվում է Վորոտանի կիրճում, Տաթևի վանքի մոտ։ Այս 80 մետրանոց կամուրջը ձևավորվել է հազարավոր տարիների ընթացքում հանքային ջրերի նստվածքներից։ Նրա տակ կան բնական տաք աղբյուրներ, քարանձավներ և գետ։ Կամուրջը հայտնի է իր գունագեղ ժայռերով և բուժիչ հանքային ջրերով։ Այն հիանալի վայր է արշավների և բնության սիրահարների համար՝ առաջարկելով գեղեցիկ տեսարաններ դեպի կիրճ։

Կանգառ 3.Շաքիի ջրվեժ

Բնության աննկարագրելի տեսարանները եզրափակում է Շաքիի ջրվեժը։ 16 մետր բարձրությամբ ջրվեժը պատմում է մի գեղեցիկ լեգենդ, ըստ որի Շաքի անունով աղջիկը փրկվում է ջրվեժի ջրերի շնորհիվ։ Հայաստանի հարավում գտնվող այս բնության զարդը սիրելի վայր է թե' տեղացիների, թե' զբոսաշրջիկների համար։

Կանգառ 4.Արենի գինու գործարան

Տուրի վերջում մենք այցելում ենք գինեգործության կենտրոն Արենի գյուղ, որտեղ մեզ հյուրընկալում է Արենի գինու գործարանը։ Մեր հյուրերը կարող են համտեսել հայկական տարբեր տեսակի գինիներ, այդ թվում նաև Արենի տեսակի խաղողից ստացված։ Կտեսնենք նաեւ մառանը, որտեղ ամբարված են գինիները, իսկ վերեւի հարկում կարող եք օգտվել գեղեցիկ սրճարանից։