Նոր Հաճն

Քաղաքը հիմնադրվել է 1953 թվականին և գտնվում է Կոտայքի մարզում, Արզնու կիրճի և Արզնի-Շամիրամ ջրանցքի հարևանությամբ։ Բարձրությունը ծովի մակարդակից 1920 մ է:

Նոր Հաճնից 12 կմ դեպի արևելք Հատիս սարն է, իսկ 13 կմ դեպի հյուսիս-արևմուտք՝ Արա լեռը: Կլիման մայրցամաքային է`տաք ամառներով և ցուրտ ձմեռներով:

Քաղաքն անվանվել է ի հիշատակ Կիլիկիայի Հաճն քաղաքի, որտեղ 1920 թվականին մի խումբ տեղացի ֆիդայիներ ռազմական դիմադրություն են կազմակերպել ընդդեմ թուրքական զորքերի: Դժբախտաբար, ընդամենը 365 մարդ է փրկվել և փախել Հաճնից: 

Հաճնի 1920 թվականի հերոսամարտի նահատակների հիշատակը հավեժացնող հուշարձան-կոթողը կառուցվել է 1973 թվականին Նոր Հաճնում։ Կոթողի ներսում 1978 թվականին հիմնադրվել է “Կիլիկիայի հայերի պատմության” թանգարանը, որը լուսաբանում է Կիլիկիայի հայկական թագավորության պատմությունը և ներկայացնում Հաճնի հերոսական անցյալից դրվագներ։

Քաղաքի հիմնական եկեղեցին Սուրբ Փրկիչ եկեղեցին է՝ օծված 2015 թվականի հուլիսին: