Բացահայտիր Հայաստանը քայլարշավների միջոցով

Օր 1

Կանգառ 1.Ժամանում

Տրանսֆեր օդանավակայանից հյուրանոց:

Կանգառ 2.Քաղաքային շրջայց Երևանում

Ծանոթություն Երևանի հետ. օրակարգում են Հայաստանի պատմության թանգարանը, «Հաղթանակ» զբոսայգին և Ծիծեռնակաբերդի հուշահամալիրը: Օրվա ավարտին կայցելենք Կասկադ համալիր՝ ծանոթանալու Գաֆեսճյան արվեստի կենտրոնի ցուցադրություններին:

Օր 2

Կանգառ 1.Վերելք Աժդահակ լեռ

Աժդահակը Գեղամա լեռնաշղթայի ամենաբարձր գագաթն է (3597 մ) և հանդիսանում է հանգած հրաբուխ՝ իր խառնարանում գտնվող գեղատեսիլ լճով։ Մեր օրը կսկսվի վաղ առավոտյան. նախաճաշը կվայելենք լեռան ստորոտին գտնվող հյուրընկալ ընտանեկան տներից մեկում: Այնուհետև ամենագնաց մեքենաներով կբարձրանանք մինչև 3000 մետր բարձրություն, որտեղից էլ կմեկնարկի մեր քայլարշավը դեպի գագաթ: Այստեղից բացվում են տպավորիչ տեսարաններ, որոնք լեռնագնացության սիրահարների համար Հայաստանի ամենասիրված ուղղություններից են: Տեխնիկական տվյալներ. *Երթուղու երկարությունը` 12 կմ *Բարդության մակարդակը` միջին *Գիշերակաց` Երևան

Օր 3

Կանգառ 1.Սևան, Սևանավանք, Հին Դիլիջանի համալիր, Հաղարծին

Օրը կսկսենք Սևանա լճի ափով զբոսանքով և կայցելենք Սևանավանք։ Վանական համալիրը տեղակայված է թերակղզու բարձունքում, որտեղից բացվում է լճի հիասքանչ տեսարանը։ Այնուհետև կանգ կառնենք ճաշի, որի ընթացքում կմասնակցենք հետաքրքիր վարպետության դասի։ Մեր ուղին կշարունակվի դեպի անտառաշատ Դիլիջան, որն իր բնական գեղեցկության շնորհիվ հաճախ անվանում են «Հայկական Շվեյցարիա»։ Այստեղ կայցելենք 13-րդ դարի Հաղարծին վանական համալիրը, որը թաքնված է խիտ անտառների գրկում։

Օր 4

Կանգառ 1.Քայլարշավ դեպի Լաստիվեր

Հյուրանոցում նախաճաշելուց հետո կուղևորվենք Իջևանի մոտ գտնվող Ենոքավան գյուղ, որտեղից էլ կմեկնարկի մեր արշավը դեպի Լաստիվեր: Սա քայլարշավ է Հայաստանի հյուսիս-արևելյան ամենագեղեցիկ և անձեռնմխելի անկյուններից մեկում: Ճանապարհն անցնում է խիտ անտառային արահետներով և իջնում դեպի Խաչաղբյուր գետի խորը կիրճը՝ բացահայտելով հիասքանչ ջրվեժներ ու փարթամ արոտավայրեր: Մենք կայցելենք Լաստիվերի հնագույն քարանձավները, որոնք հայտնի են իրենց խորհրդավոր ժայռապատկերներով: Օրվա վերջում կվերադառնանք Դիլիջան՝ հանգստի և գիշերակացի համար: Տեխնիկական տվյալներ. *Երթուղու երկարությունը` 8 կմ *Բարդության մակարդակը` հեշտ *Գիշերակաց` Դիլիջան

Օր 5

Կանգառ 1.Վերելք Դիմաց լեռ

Հյուրանոցում նախաճաշելուց հետո կուղևորվենք դեպի Իջևանի լեռնաշղթա՝ հաղթահարելու Դիմաց լեռան գագաթը (2378 մ): Լեռը գտնվում է «Դիլիջան» ազգային պարկի տարածքում և հայտնի է իր վեհաշուք ուղղահայաց ժայռապատերով: Գագաթից բացվում է Հայաստանի ամենատպավորիչ տեսարաններից մեկը՝ Իջևանի լեռների անդնդախոր կիրճերն ու հեռվում երևացող Շաղոտ ջրվեժը: Վերելքից հետո մեզ սպասվում է համեղ ճաշ, որից հետո լիարժեք տպավորություններով կվերադառնանք Երևան: Տեխնիկական տվյալներ. *Երթուղու երկարությունը՝ 20 կմ *Տևողությունը՝ 6–7 ժամ *Բարդությունը՝ միջինից բարձր (հաշվի առնելով կիլոմետրաժը) *Գիշերակաց՝ Երևան

Օր 6

Կանգառ 1.Վերելք Արագած լեռան հարավային գագաթ

Այսօր կհաղթահարենք Հայաստանի ամենաբարձր լեռնազանգվածի՝ Արագածի հարավային գագաթը: Արագածն իր էներգետիկայով և վեհությամբ առանձնացող հզոր հանգած հրաբուխ է: Հարավային գագաթի բարձրությունը ծովի մակերևույթից 3887 մետր է, որտեղից բացվում է տպավորիչ տեսարան դեպի լեռան մյուս երեք գագաթները և անդնդախոր խառնարանը: Տեխնիկական տվյալներ. *Երթուղու երկարությունը՝ 7–9 կմ *Բարձրության հարաբերական փոփոխություն՝ 890 մ *Բարդությունը՝ միջին / միջինից բարդ *Նախընտրելի ժամանակաշրջան՝ հուլիս – սեպտեմբեր *Գիշերակաց՝ Երևան

Օր 7

Կանգառ 1.Խոր Վիրապ – Գառնու տաճար – Գեղարդ

Օրը կսկսենք այցելությամբ Խոր Վիրապի վանք, որը գտնվում է հայ-թուրքական սահմանի անմիջապես հարևանությամբ։ Այստեղից բացվում է թերևս ամենատպավորիչ տեսարանը դեպի սուրբ Արարատ լեռը։ Սա այն վայրն է, որտեղից սկիզբ է առել քրիստոնեության ընդունումը Հայաստանում։ Այնուհետև կուղևորվենք դեպի Գեղարդավանք (13-րդ դար)։ Սա ժայռափոր ճարտարապետության բացառիկ նմուշ է և ներառված է ՅՈՒՆԵՍԿՕ-ի Համաշխարհային ժառանգության ցանկում։ Շրջայցից հետո մեզ սպասվում է ավանդական ճաշ, որի ընթացքում կմասնակցենք հայկական անուշահամ հացի՝ լավաշի թխման արարողությանը։ Մեր հաջորդ կանգառը կլինի Գառնու տաճարը՝ Հայաստանի տարածքում պահպանված հեթանոսական դարաշրջանի միակ հուշարձանը։ Օրը կեզրափակենք Երևանում՝ հրաժեշտի ընթրիքով՝ ավանդական ռեստորաններից մեկում։

Օր 8

Կանգառ 1.Մեկնման օր

Տեղափոխում օդանավակայան