Հայաստանի հյուսիսային գանձերը ներառող այս տուրում կարող եք այցելել Լոռե բերդ, Դենդրոպարկ և Հովհաննավանք։ Մեր զբոսաշրջիկներին ծանոթ այս ուղղությունը երեք տեսարժան վայրերի համադրություն է, միմյանցից տարբերվող և փոխլրացնող։
Տրանսպորտ
Զբոսավարի ծառայություն (օտարախոս մասնակիցների առկայության պարագայում տուրը կանցկացվի երկու լեզվով)
Սնունդ
Դենդրոպարկի մուտքավճար - 500 AMD
Լոռե բերդի մուտքավճար - 1500 AMD
Դեռ 4-րդ դարում հիմնադրված Հովհաննավանքի երկար պատմական ուղին հասնում է մինչև 13-րդ դար՝ վանական համալիրի կառուցման ավարտ, և հասնում է մինչև մեր օրեր կանգուն վիճակում։ Ամենահին եկեղեցին 6-րդ դարի է, սբ. Կարապետը։ Ըստ ավանդության հենց Հովհանավանքում է գտնվում Հովհաննես Մկրտչի մասունքերից մեկը։ Հիմնական և մեծ կառույցը 13-րդ դարի է, սբ. Հովհաննես Կարապետ, 1221 թվական։
Հայաստանի բազմաթիվ բերդերի ու ամրոցների զարդը Լոռե բերդն է։ Զարգացած միջնադարյան այս բերդաքաղաքը եղել է և՛ քաղաքական և՛ առևտրային կենտրոն։ Իսկապես, անառիկ դիրքում կառուցված լինելով, այն եղել է անմատչելի թշնամիների համար և անձեռնմխելի։ Մինչև 20 մետր լայնությամբ և 25 մետր բարձրությամբ պարիսպներ ունեցող բերդը ապահովված է եղել նաև գաղտնուղիներով, իսկ հիմնական մուտքը միայն մեկն է եղել։
Դենդրոպարկի ավելի քան 500 բուսատեսակներ սկսել են աճեցվել 1931 թվականից։ Հենց այդ թվականին է հիմնադրվել Գյուլագարակի Դենդրոպարկը, լեհ ինժեներ Էդմոնդ Լեոնովիչի կողմից։ 35 հա տարածք զբաղեցնող անտառի գրեթե կեսը բնական է։ Բացի հինգ հայտնի սեքվոյաներից կան շատ այլ բուսատեսակներ Երևանի բուսաբանական այգուց, ինչպես նաև այլ երկրներից։
2026 Armenia Discovery. Բոլոր իրավունքները պաշտպանված են
Ստեղծված է՝ Munich Ventures